(Brezi i prindërve tanë)
Ju njoha kur punuat
Ju njoha kur sakrifikuat
Ju njoha kur hallet i qatë
Ju njoha kur s'fjetët ditë as natë
Ju njoha në ditët e mjerueme
Ju njoha në voglinë e shtrëngueme
Ju njoha në ftohtin e borës
Ju njoha kur me hapnit rrugën e shkollës
E sa vite kanë kaluar
Nga ajo jetë e sakrifikuar
Eh ,sa vite të kalojnë
Uroj vetëm të gëzojmë.
BJESHKA IME
Ngela pa fjalë
Dhe vetëm këndova
Për tokën time
Që kurrë nuk e harrova
Bjeshkët më pyetën,
Ku ishe moj bijë
E pa zë unë fola
Ja,erdha përsëri.
I mungove bjeshkës
I mungove malit
I mungove tokës
I mungove djalit
Ah,pse moj bjeshkë
Kaq shumë më lëndon
A nuk po t'vjen keq
Sa shumë mall po kam
Jam unë bija jote
Më prit përsëri
Se zani i mirë
Mua më vjen veç për ty.
