Në qytetin e vakive
Gjithë janë në trend,
Vërehen nga lëvizjet
S’u zë vendi – vend.
Nuk ta kap mendja
Kush për kë punon,
Po një gjë kuptohet
- Goja bën, koka pëson!
Në këtë turbullirë
Shërbimi i fshehtë,
Ta lë në prehër
Pataten e nxehtë.
Rrjeti i përgjimeve
Me shumë mercenarë,
Mban veshët në krah
Dhe në dorë celular….
Nuk kalon as miza
Pa u vërejtur fare,
Shërbimet sekrete
Bëhen me pak pare.
Nuk kursehet vëllai
As miku për besë,
Me këto agjentura
U bëmë pikë e pesë.
Na humbi respekti
Nderimi dhe vlera,
Nuk na vjen e mira
Me ujqër e derra!
Sevdail Hyseni
