Në qytetin Dyzeldorf të Gjermanisë, në prezencën e auditorit të gjerë u bë promovimi i librit “Gazmend Zajmi- një jetë për Kosovën", i gazetarit Nuhi Bytyçi, botuar nga Shtëpia botuese “Armagedoni“, në Prishtinë.
Evenimentin kulturor promovues e drejtoi diplomati, shkrimtari Pal Sokoli, i cili foli për librin voluminoz dhe punën e autorit në realizimin e librit, që përmban një histori të begatë kombëtare, gjatë katër dekadave të fundit.
Gazetari dhe ish luftëtari i UÇK-së, Martin Çuni foli për vlerat e librit, i cili është kontribut kombëtar i akademik Zajmit.
Me fjalë rasti u prezantuan edhe pjesëmarrës tjerë, Shefqet Dibrani, Faruk Tasholli dhe vetë autori Nuhi Bytyçi.
Pas promovimit të librit, është zhvilluar bashkëbisedim me autorin.
Libri“GAZMEND ZAJMI - NJË JETË PËR KOSOVËN", u tha se shërben për ta njohur një pjesë të historisë së vështirë kombëtare dhe është burim për historianët e ardhshëm për të studiuar njërën nga periudhat më të vështira që kaloi Kosova në shekullin fundit.
