Dinari n’Kosovë n’dy rrotë kerri
Koha e tij që moti i ka skaduar,
Ka mbetë vetëm një mollë sherri
Matrapazët në veri duke e përdoruar.
Euro ia ka shterrë shpirtin e tij të zi
Ka marr ndryshk kjo stoli e vjetër,
Sa tregëtinë e zezë e ka sjellë n’veri
Herë si monedhë e herë fallse n’letër.
Plot thasë me dinar janë bartë nga ana tjetër
Janë derdhë e janë akomuduar pa kontrollë,
Dikush me t’madhe është pasuruar n’qendër
Përmes tregut të zi pa punuar e pa u lodhë.
Sherri i dinarit arriti deri n’Bruksel e Washington
Derdhen jargët e Vuçit, në OKB, si lum me shkumë,
Dikush i qëllonte thumbit n’maje e dikush patkoit
Nuk ishte diçka se një «turp» dhe kurgjë më shumë.
Sheri i dinarit zbuloi edhe bankomatët me rrotë
Serbia i vendosi n’kufi me Kosovën si bolduzher,
Për ti treguar botës se populli serb s’vajton kot
I ka bankomatët e vet, sa herë do fut dinar e merr.