Kryeministrja e Serbisë Ana Bërnabiq, ka thënë në Novi Sad se ajo ndoqi negociatat për zgjidhjen e krizës në veri të Kosovës dhe se ishte në komunikim të vazhdueshëm me presidentin serb Aleksandar Vuçiq. Ajo ka vlerësuar se marrëveshja e djeshme ishte një fitore e madhe diplomatike për Beogradin dhe presidentin, përcjell Bota sot.
"Para së gjithash, unë mendoj se është një fitore e madhe diplomatike e Beogradit dhe Presidentit Vuçiq për të paktën tre arsye. E para është se ne arritëm të ruanim paqen dhe stabilitetin dhe sigurinë e tillë të serbëve në Kosovë me një reagim të matur dhe të zgjuar. Arsyeja e dytë është se ne arritëm të tregojmë se Beogradi nuk do të tolerojë zgjidhje të imponuara në mënyrë të njëanshme dhe se të gjitha çështjet duhet të diskutohen me Beogradin, dhe Prishtina para së gjithash duhet të ketë një dialog me ne", ka thënë ajo.
Bërnabiq vuri në dukje se shpresonte që nuk do të kishte më surpriza, dhe si gjëja e tretë e rëndësishme, ajo përmendi kthimin në rezolutën 1244.
"Mezi pres të nesërmen kur Forca Speciale e Policisë së Kosovës (ROSU) duhet të tërhiqet, sepse KFOR është kthyer në vendkalimet administrative", ka thënë ajo, raporton Tanjug.
Bërnabiq vuri në dukje se sa e rëndësishme është që “ne iu kthyem Marrëveshjes së Brukselit”, të cilën, sipas saj, “Kosova po përpiqet ta shmangë”.
Ajo ka theksuar gjithashtu se dialogu i radhës ka të bëjë me bashkësinë e komunave serbe./BS
