Politikani serb, Nikola Sanduloviq ka reaguar ndaj deklaratave kërcënuese të presidentit serb, Aleksandar Vuçiq.
Sanduloviq në një reagim në “X” ka shkruar se ai kishte paralajmëruar vite më parë BE-në dhe SHBA-të se kjo do të ndodhte.
“Ata nuk më dëgjuan dhe besuan premtimet e tij të rreme për paqen në Kosovë dhe në Ballkan.Ata heshtën për vite të tëra për kriminalitetin e tij të dukshëm, vjedhjen e zgjedhjeve, marrëdhëniet me Putinin, Dodikun, Orbanin dhe diktaturën që po zbaton në Serbi. Tani ata morën rezultatin e naivitetit dhe mungesës së interesit për atë që unë ofroja dhe prezantoja”, ka thënë Sanduloviq.
I have spoken and warned the @EU and the @USA that this will happen on time...many years ago. They did not listen to me and believed his false promises about peace in #Kosovo and the #Balkans. They kept silent for years about his obvious criminality, election theft, relations… pic.twitter.com/m5hdWOfU5V
— Nikola Sandulovic (@Sandulovic_N) March 19, 2024
Ndryshe presidenti serb, Aleksandar Vuçiq së fundmi ka bërë disa deklarata kërcënuese ku tha se Perëndimi duhet të zgjedh mes Kosovës dhe Serbisë.
Nëse ata zgjedhin Kosovën, Vuçiq ka thënë se “Serbia do të presë momentin më të mirë të mundshëm dhe ne do ta shfrytëzojmë mundësinë tonë”.
