8 cilësitë që zotërojnë njerëzit me integritet të madh moral - Bota Sot
8 cilësitë që zotërojnë njerëzit me integritet të madh moral

Life style

8 cilësitë që zotërojnë njerëzit me integritet të madh moral

Më: 16 shtator 2019 Në ora: 15:35
Foto ilustrim

Integriteti moral është një nga karakteristikat më të rëndësishme që mund dhe duhet ta ruajmë në vetvete. Njerëzit bujarë janë fisnikë, të arsimuar, të nderuar dhe të respektueshëm.

Njerëzit me integritet moral kanë 8 cilësi kryesore që i dallojnë ata nga pjesa tjetër e botës…

PËRULËSIA

Njerëzit që janë të vetëdijshëm për vlerën e tyre, por mbeten të përulur, kurrë nuk besojnë se janë superiorë ndaj atyre përreth tyre dhe gjithmonë punojnë për t’u përmirësuar. Për më tepër, ata nuk mburren me të mirat e tyre dhe rezultatet që kanë arritur, ata janë të matur dhe të thjeshtë.

MIRËSIA

Mirësia është një nga karakteristikat që njerëzit më të ndershëm posedojnë dhe vlerësojnë. Ata vërtet kujdesen për njëri-tjetrin dhe bëjnë çmos për të ndihmuar ata që kanë nevojë për mbështetje.

AUTENTICITETI

Autenticiteti është karakteristikë e njerëzve që paraqiten para botës ashtu siç janë në të vërtetë, pa u fshehur pas maskave apo gënjeshtrave. Ata e jetojnë të vërtetën e tyre dhe i qëndrojnë besimeve dhe vlerave të tyre, pavarësisht se çfarë mendojnë të tjerët.

NDERSHMËRIA

Integriteti dhe ndershmëria shkojnë paralelisht. Të gjithë njerëzit përparojnë atje ku ekziston e vërteta.

BESIMI

Ju gjithmonë mund t’u besoni njerëzve bujarë. Ata janë të vërtetë për fjalën e tyre dhe nuk gënjejnë ose tradhtojnë njerëzit që besojnë tek ta.

PËRGJEGJËSIA

Njerëzit me integritet janë përgjegjës për gjithçka në jetën e tyre. Ata e kuptojnë që jeta dhe suksesi janë në duart e tyre dhe askush nuk mund të shkojë shumë larg nëse tregon mungesë respekti dhe papërgjegjshmëri.

POZITIVITETI

Shumë njerëz kanë zakon të reagojnë negativisht ndaj çdo lajmi që ndodh në jetën e tyre, ndaj situatave, ndaj të tjerëve në përgjithësi. Përkundrazi, njerëzit e sinqertë e dinë se sa e rëndësishme është të hedhim një vështrim pozitiv në gjithçka që na ndodh, sepse me sa duket situatat negative mund të na sjellin mësime të shkëlqyera në jetë.

INTUITA EMOCIONALE

Të gjithë njerëzit me integritet kanë një lidhje më të thellë me botën në përgjithësi. Jo vetëm që nuk mendojnë vetëm për veten e tyre, por ata janë në gjendje të shohin përtej egoizmit dhe të kërkojnë zgjidhje pozitive në jetë për veten e tyre dhe për të gjithë ata që kanë nevojë për ndihmë.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...