10 këshilla se si të merreni me njerëzit egoistë

Life style

10 këshilla se si të merreni me njerëzit egoistë

Më: 12 gusht 2020 Në ora: 16:12
Ilustrim

Përballja çdo ditë me një person egoist mund të jetë me të vërtetë e vështirë. Situata bëhet e ndërlikuar kur personi egoist është pjesë e familjes ose e vendit të punës.

Fatkeqësisht, njerëzit egoist tentojnë të mendojnë vetëm për veten e tyre, nuk marrin parasysh nevojat e të tjerëve dhe janë të bindur se gjithçka që ata bëjnë ose thonë është gjithmonë e drejtë. Shkurt, njerëzit egoistë mendojnë se bota rrotullohet rreth tyre dhe se të tjerët nuk ekzistojnë, nëse jo për të përfituar nga bujaria e tyre.

Njerëzit egoist vështirë se i pranojnë gabimet e tyre. Për fat të mirë, ka disa truke që na ndihmojnë kur kemi të bëjmë me njerëz egoist.

Jini përgjegjës për jetën tuaj

Merrni përgjegjësi të plotë për jetën tuaj dhe mos lini asnjë fragment të saj në duart e një egoisti që mund të fillojë ta menaxhojë atë sipas dëshirës. Njerëzit egoist nuk e njohin respektin për të tjerët, por ju duhet të trajtoheni me respektin që meritoni.

Bëhuni të pavarur

Mundohuni që të mos vareni kurrë nga një person egoist, qoftë në familje apo në punë. Luftoni për pavarësinë tuaj, përndryshe personi egoist mund t’ju konsiderojë si kukull dhe t’ju manovrojë sipas dëshirës.

Lavdëroni por mos bëni lajka

Kur një person egoist e bën mirë punën e tij, lëvdojeni, por mos e kënaqni. Është e drejtë të pranoni meritat e të tjerëve, edhe kur ata janë egoistë, por gjithmonë sigurohuni që komplimentet tuaja të mos bëhen lajka që ju bëjnë të nënshtruar.

Inkurajoni sjelljet pozitive

Tolerancë zero për sjelljet negative por inkurajim për veprat e mira që madje edhe egoistët mund të bëjnë ndonjëherë. Ndjenja e duhur herë pas here mund t’i çojë ata në një “ndryshim”.

Mos kërkoni falje

Mos prisni që një person egoist të kërkojë falje dhe mos prisni një falje prej tyre, sepse ato mund të jenë fals, veçanërisht nëse janë të menjëhershëm. Fatkeqësisht, njerëzit egoistë luftojnë të njohin gabimet e tyre dhe nëse kjo nuk ndodh, falja është e padobishme për të gjithë.

Mos toleroni sjellje negative

Në asnjë rrethanë nuk duhet të toleroni sjelljen e keqe të të tjerëve. Për shembull, disa njerëz egoistë janë të shkëlqyeshëm për t’i bërë njerëzit e tjerë të ndjehen të pavlerë, edhe kur bëhet fjalë për partnerin e tyre. Më mirë t’i jepni fund një marrëdhënieje ose një miqësie sesa të vazhdoni të toleroni një egoist.

Shprehni mendimet tuaja

Ballafaqimi me një person egoist nuk do të thotë që të heshtësh dhe të mbash të fshehura mendimet e tua. Shprehini ato me durim dhe vendosmëri dhe mësoni të pohoni veten. Sa më të dobët të tregoheni, aq më shumë do të përfitojnë egoistët nga ju.

Ruaj gjithmonë qetësinë

Edhe para një personi egoist, ruani gjithmonë qetësinë dhe profesionalizmin, veçanërisht nëse jeni në një mjedis pune. Tregohuni një person i respektueshëm dhe kompetent, ruani qetësinë tuaj mendore dhe do të jeni në gjendje të përmbushni të gjitha detyrat tuaja.

Lini mënjanë emocionet

Kur të përballeni me një person egoist, përpiquni të mos jeni shumë emocionues ose të udhëhiqeni nga zemërimi. Vetëm nëse jeni të qetë do të jeni në gjendje ta mbani situatën nën kontroll gjatë një debati dhe ta ktheni atë në favorin tuaj.

Shmangni njerëzit egoist kur është e mundur

Kur është e mundur, përpiquni të shmangni njerëzit egoist. Nëse merreni me ta çdo ditë, vini në praktikë këshillat e mësipërme. Tani që keni mësuar të njihni njerëz egoist, nëse keni frikë se mund të përfitojnë nga ju, përpiquni të qëndroni larg tyre.

Shfaq komentet
comments powered by Disqus
Sot mund të lexoni Shfletoni kopertinat