Sa ditë mbetën? 10 dhe Krishtlindjet do të festohen përsëri. Nëse ende nuk i keni përfunduar zbukurimet e festave të fundvitit, atëherë ja ku jemi për t’ju dhënë edhe disa ide të thjeshta që mund t’jua bëjnë festën më të bukur.
Çdo gjë fillon që nga dera e shtëpisë, ndaj në të duhet të qëndrojë e varur diçka që paralajmëron atmosferën festive, por edhe zbukurimet që janë vendosur në brendësi të shtëpisë.
Këtë vit, për t’u larguar nga kurora klasike, ne ju propozojmë disa modele minimale dhe të thjeshta, por mbi të gjitha, të bukura.
Këto kurora nuk është e thënë t’i vendosni vetëm në derën e shtëpisë, por edhe në oxhak apo në një kënd festiv që keni krijuar në sallonin tuaj.
