Maska nga kanella për shndritje të flokëve

Life style

Maska nga kanella për shndritje të flokëve

Më: 11 maj 2021 Në ora: 22:03
Foto ilustrim

Nëse dëshironi që t'i shndritni flokët pa efekte të dëmshme të ngjyrosjes, ekziston një mënyrë që këtë ta bëni vetë P reparatet e zakonshme për shndritje të flokëve zakonisht përmbajnë substanca kimike, të cilat dëmtojnë flokët. Jua sjellim recetën, të cilën mund ta bëni vetë, e me aplikim të thjeshtë, në mënyrë krejtësisht të shëndetshme do t'i shndritni flokët tuaj. Para se të filloni me trajtimin, kontrolloni në lëkurë të dorës se a jeni alergjike nga kanella. Nëse paraqitet ndonjë kruajtje, djegie apo skuqje assesi mos e përdorni këtë trajtim për shndritje të flokëve.

PROCEDURA

1. E përzini kanellën në formë pluhuri me balsamin tuaj për flokë në proporcion 1:1. Sasia e nevojshme varet nga gjatësia dhe dendësia e flokëve, por gjithsesi duhet që të jetë e mjaftueshme që t'i mbulojë flokët prej rrënjëve deri te skajet.

2. I lagni flokët dhe më pas ua hiqni ujin e tepërt, e më pas me kujdes, i mbështillni me peshqir për ta absorbuar tepricën e lagështisë.

3. Në mënyrë të barabartë e aplikoni përzierjen e balsamit dhe kanellës në flokë. Nëse ka nevojë përgatitni sasi shtesë, sepse në rast se nuk aplikoni mjaftueshëm, nuk do të ketë sukses shndritja. I krihni flokët gjatë procesit për t'u siguruar që të shpërndahet barabartë në flokë.

4. I mblidhni flokët, e vëni një kapelë për dush ose një qese të thjeshtë të plastikës dhe mbajeni gjatë tërë natës. Në mëngjes i lani dhe i thani flokët si zakonisht. nëse dëshironi që edhe më shumë t'i shndritni flokët, atëherë përsëritni procedurën sa herë që të dëshironi pa pasur frikë se do t'i dëmtoni flokët.

Shfaq komentet
comments powered by Disqus
Sot mund të lexoni Shfletoni kopertinat