Kohët e fundit, një kandidate për punë shprehu zhgënjimin e saj pasi nuk mori një punë për të cilën dha intervistë. Ajo më tha se i pëlqente shumë edhe kompania.
Kjo u ndodh të gjithëve. Por, ashtu si një atlet që përdor një humbje për t'u motivuar në triumfin e ardhshëm, një refuzim mund të jetë themeli për mundësinë e artë në të ardhmen tuaj në karrierë.
Çfarë të bëni nëse nuk e fitoni punën?
Është e lehtë të ndihesh i lënduar pasi mëson se dikush tjetër është zgjedhur për pozicionin, veçanërisht kur gjithçka dukej se po shkonte mirë.
Por gabimi më i madh që bëjnë shumë kandidatë në këtë situatë është të ndihen aq të dekurajuar dhe të mërzitur, saqë hedhin poshtë marrëdhëniet që ndërtuan gjatë gjithë procesit të intervistës.
Unë kam qenë në biznesin e punësimit për më shumë se 15 vjet dhe gjithmonë u them të gjithëve që trajnoj:
"Të çash në procesin e punësimit të një kompanie është një arritje për të cilën duhet të jesh krenar, veçanërisht gjatë periudhave kur tregu i punës është konkurrues. Ata nuk të thanë: 'Jo, kurrën e kurrës.' Ata thanë: 'Jo, jo sot; ne sapo gjetëm dikë që ishte pak më i përshtatshëm se ti.' "
Pra, në vend që të ulni kokën, tregoni gatishmërinë tuaj për të vazhduar. Dërgojini menaxherit tuaj të punësimit (dhe ndoshta edhe personave që ju kanë intervistuar) një email duke shprehur vlerësimin tuaj për kohën dhe konsideratën e tyre.
Madje, nuk ka pse të jetë një mesazh super i gjatë:
"I dashur [Emri i menaxherit punësues],
Faleminderit shumë për mundësinë. Më pëlqeu vërtet të mësoja më shumë për kompaninë tuaj dhe të takoja të gjithë punonjësit tuaj të mrekullueshëm. Ndërsa jam i/e trishtuar që nuk u zgjodha, jam i/e lumtur që gjetët kandidatin e duhur. A mund të më thuash se çfarë duhet të bëj për të qëndruar në vëmendjen tuaj për mundësitë e ardhshme?
Ju falënderoj përsëri,
[Emri juaj]"
Shkathtësitë e shkëlqyera ndërpersonale do t'ju bëjnë të paharrueshëm
Të qëndrosh pozitive pasi refuzohesh është një shenjë e karakterit të fortë, sepse punëdhënësit nuk kënaqen duke u dhënë lajme të këqija kandidatëve të mirë. Kështu që, në këtë rast, ata do t'ju mbajnë në një listë të veçantë.
Mos kini frikë të kërkoni edhe këshilla më specifike. Menaxheri juaj i punësimit mund të përgjigjet me këshilla se si mund të ripunoni zona të caktuara të CV-së tuaj për pozicionet e ardhshme që ata kanë informacion.
Mos harroni, punësimi juaj është përfitim për ata, po aq sa është edhe për ju.
Për CNBC, J.T. O'Donnell themeluese dhe CEO e Work It Daily, një platformë në internet e dedikuar për të ndihmuar njerëzit të zgjidhin problemet e tyre më të mëdha në karrierë. Ajo ka më shumë se 15 vjet përvojë në Burime Njerëzore, rekrutime dhe trajnime në karrierë. Për më shumë këshilla për karrierën, ndiqeni atë në TikTok @jtodonnell.
