Reçipetat janë një ndër aksesorët më të rëndësishëm për në femrat. I përdorim pothuajse gjatë gjithë kohës, edhe pse në një artikull të mëparshëm të Living, ju rekomanduam të mos i përdorni gjatë natës. Por zgjedhja e masës dhe formës së duhur nuk është aq e thjeshtë sa duket. Shpeshherë blerja e reçipetave mund të kthehet në një mision aspak të lehtë për ne femrat.
Sipas ekspertëve të shëndetit publik 7 në 10 femra në botë zgjedhin dhe përdorin reçipetat jo të duhura. Ky problem që në pamje të parë duket estetik, ka një ndikim të pashmangshëm në shëndetin e një femre pasi masa e gabuar ju krijon problem me qëndrimin dhe më harkimin e shtyllës kurrizore.
Sipas përfaqësueses së markës franceze të intimeve Chantelle, Nicole Kivitz, ekziston një truk i thjeshtë që ju ndihmon të zgjidhni masën e duhur.
Kur blini reçipeta kushtojini rëndësi këtij detaji. Ato duhet të jenë mjaftueshëm të shtrënguara që kur t’i mbërtheni në kopsën e parë 2 gishtat tuaj të qëndrojnë midis recipetave dhe shpinës.
Nëse ato qëndrojnë të lira tek kopsa e parë, atëherë provoni t’i mbërtheni tek kopsa e dytë, nëse ato nuk qëndrojnë të shtrënguara as tek e dyta zgjidhni një palë të tjera. Gjithashtu provoni të tërhiqni pjesën e parme të recipetave, nëse krijohet hapësirë mes saj dhe kraharorit, jeni duke përdorur masën e gabuar.
