Besoni apo jo, kafshët tuaja shtëpiake mund të jenë “mëngjarashe” ose “djathtake”
Një studim i kryer Universitetin “Ataturk” në Turqi ka treguar se 50 për qind e maceve janë “djathtake “, ndërsa 40 për qind e tyre janë “mëngjarashe”, ndërsa pjesa tjetër janë në gjendje të përdorin të dyja putrat në mënyrë të barabartë.
Një studim i ngjashëm u krye nga shkencëtarët e Universitetit të Manchesterit, i cili tregoi se qentë në Angli ndahen në mënyrë të barabartë në “djathtakë” dhe “mëngjarashë”.
Provoni këto truke
Nëse dëshironi të provoni në shtëpi nëse kafsha juaj është “djathtake” apo “mëngjarashe”, mund ta mësoni këtë me disa “truke”:
▪ nëse e keni mësuar qenin tuaj t’ju japë njërën putër, kushtojini vëmendje se cilën jua jep më shpesh.
▪ merrni lodrën prej pelushi të preferuar të qenit tuaj dhe vendosni një ëmbëlsirë në të, më pas vendoseni pikërisht përballë qenit; vëzhgoni se në çfarë mënyre, d.m.th. me cilën putër do ta arrijë qeni lodrën dhe me cilën do ta mbajë atë duke luajtur ose duke përtypur.
▪ lyeni feçkën e kafshës suaj (qenit apo maces) me diçka si kos dhe shikoni me cilën putër do të fshijë
▪ kushtojini vëmendje se me cilën putër macja po përpiqet të “kapë” lodrën me të cilën po e joshni
▪ sipas ekspertëve, nëse doni të përcaktoni saktësisht nëse kafsha juaj është “djathtake” apo “majtake”, duhet t’i përsërisni këto teste rreth 100 herë në ditët në vijim.
