Larja e peshqirëve mund të duket e thjeshtë, por nëse dëshironi që ata të zgjasin shumë, ndërsa të mbeten të butë dhe aromatike, iu nevojiten të dini disa trika shtëpiakë.
Falë përbërjes, pjesa më e madhe e peshqirëve lahen në makinë. Duke zgjedhur programin e duhur dhe duke e tharë saktë, do të shmangni mbajtjen e erës dhe humbjen e ngjyrës dhe peshqiri do të mbetet i butë.
Lani gjithmonë peshqirin përpara përdorimit të parë
Çdo peshqir duhet të lahet përpara përdorimit të parë. Nuk bëhet fjalë vetëm për higjienën, ku ka qenë ai peshqiri më parë, kush e ka prekur e të tjera të ngjashme, por peshqirët e papërdorur kanë një “shtresë” të veçantë silikoni që ndalon thithjen e lëngjeve. Kjo është arsyeja pse peshqirët në dyqan janë veçanërisht të butë.
Për të përfituar sa më shumë efektivitet për sa i përket përthithjes, larja e parë do të heqë veshjet mbrojtëse.
Përdorni uthull
Për të parandaluar zbehjen e ngjyrës, lani peshqirët me ngjyra të ngjashme me ujë të ngrohtë për larjet e para. Përdorni rreth gjysmën e sasisë së rekomanduar të detergjentit dhe shtoni gjysmë filxhani të vogël uthull gjatë shpëlarjes.
Uthulla ndihmon në ruajtjen e ngjyrave dhe largon njollat e mundshme të detergjentit.
Sa shpesh duhen larë peshqirët?
Peshqirët duhet të lahen çdo tre deri në katër ditë. Është mirë t'i vendosni në lavatriçe, t'i lani me ngjyra të ngjashme dhe pa përdorur detergjentë agresivë.
Për peshqirët e bardhë, mund të përdorni ujë të valë dhe zbardhues pa klor.
A mund të lahen peshqirët me rroba?
Larja e peshqirëve me rroba të tjera mund të çojë në transferimin e baktereve dhe mikrobeve të tjera në larje. Kjo është arsyeja pse ato duhet të lahen gjithmonë veçmas nga rrobat e tjera. Nëse nuk mundeni, lajini ato në një qese të veçantë tekstili.
Gjithashtu, nëse përdorni tharëse, mbani në mend se peshqirët kërkojnë më shumë kohë për t'u tharë se rrobat e tjera.
Si të përdorni zbutësin e rrobave në peshqirë?
Përdorni zbutësin siç shkruhet në udhëzime, por shtojeni tek peshqirët vetëm në larjen e tretë ose të katërt.
Substancat dylli në zbutësin e rrobave mund ta shkatërrojnë pëlhurën me kalimin e kohës dhe nuk ka asgjë më të keqe se një peshqir i fortë dhe mezi i lakueshëm.
Shkundni peshqirët para tharjes
Përpara se t'i vendosni peshqirët në tharëse ose t'i varni në raftin e tharjes, tundini mirë - në këtë mënyrë ata do të qëndrojnë të ajrosur.
Gjithashtu, hekurosja zvogëlon mundësinë e përthithjes.
Këshilla të tjera
Meqenëse jo të gjithë peshqirët janë bërë nga e njëjta pëlhurë, kjo duhet të merret parasysh edhe gjatë larjes.
Nëse keni peshqirë me dekorime të veçanta, sigurisht që janë të ndjeshëm ndaj larjes, ndaj rekomandohet që të mos i përdorni për higjienën e përditshme por për qëllime dekorative, shkruan Better Homes and Gardens.
