Janari ka nisur me këmbën e majtë, sepse erdhi me shumë drama dhe Mërkurin në prapavijë, por kjo s’do të thotë se do të vazhdojë kështu.
Në datat e mëposhtme, do të ndodhin ndryshime të mëdha për të gjitha shenjat, ndaj shënoji dhe mos na thuaj që s’të kujtuam.
Nisim me 18 janarin
Çfarë ndodh? Mbaron prapavija e Mërkurit! Kjo do të thotë që ish-at nuk do të të shkruajnë më dhe do ta sistemosh jetën dhe të bëhesh gati ta shijosh siç duhet vitin!
20 janar
Çfarë ndodh? Dielli hyn në Ujor
Dielli hyn në Ujor, duke hedhur dritë mbi emocionet më të thella, frikërat e brendshme dhe dëshirat më të zjarrta. Kjo do të të motivojë shumë që të përballesh me egon tënde dhe ta ledhatosh pak atë.
Gjatë kësaj dite, kushtoji shumë rëndësi bisedave dhe situatave me njerëzit përreth.
21 janar
Çfarë ndodh? Hëna e re në Ujor
Shumë ndryshime, reflektime dhe emocione të presin. Ti tanimë e di, Ujori rebel nënkupton ndryshime radikale dhe vizione fantastike. Mos ki frikë nga e panjohura, thjesht guxo!
27 janar
Çfarë ndodh? Afërdita hyn te Peshqit
Më shumë ndjenja dhe dashuri do të përfshihen në të gjitha marrëdhëniet e tua. Do të kërkosh lidhje më të thella romantike dhe jo vetëm. Nëse je beqar/e, ndoshta një person i ri interesant do të shfaqet në jetën tënde për të ta bërë atë edhe më të bukur.
