Kur hipni në aeroplan, ekuipazhi ju kërkon ose të fikni pajisjet tuaja ose t’i kaloni në modalitetin e aeroplanit.
A keni menduar ndonjëherë pse?
Kjo është e nevojshme, sipas ekspertëve, jo vetëm për të mbrojtur veten, por edhe për të mbrojtur të gjithë aeroplanët e tjerë që mund të jenë në rrugën e aeroplanit në të cilin ndodheni.
Telefonat celularë lidhen me rrjetin duke dërguar sinjale radio në formën e valëve elektromagnetike. Këto janë, në fakt, valë që mbulojnë një pjesë të caktuar të spektrit elektromagnetik.
Një problem mund të lindë nëse këto valë përzihen me disa sinjale të tjera në ajër dhe më pas mund të ketë pasoja negative për aeroplanët që ndodhen në afërsi.
Bëhet fjalë për faktin se, kur janë larg kullave, siç është rasti kur fluturon me aeroplan, telefonat duhet të punojnë “edhe më fort” për t’u lidhur dhe që sinjali i tyre të jetë më i fortë.
Për shkak se aeroplanët mund t’i afrohen papritmas një kulle sinjali, sepse po ecin me shpejtësi, mund të ketë një “radio shpërthim” të papritur dhe nëse telefoni i të gjithëve do ta bënte këtë, njerëzit që kontrollojnë aeroplanët, si dhe vetë aeroplanët, nuk do të kishin ide se në çfarë sinjali do të duhej të fokusohen.
Kur fluturoni pa aktivizuar “Modaliteti i aeroplanit”, me pak fjalë, po dërgoni radio-valë të gjata që ndërhyjnë me sinjalet përreth, gjë që nuk i bën asnjë favor askujt dhe është potencialisht një kërcënim i madh sigurie.
