Strugë, mungojnë ciceronë që flasin shqip - Bota Sot
Strugë, mungojnë ciceronë që flasin shqip

Maqedonia

Strugë, mungojnë ciceronë që flasin shqip

Më: 7 janar 2019 Në ora: 15:25
Ilustrim

Në Strugë nuk ka ciceronë turistik që flasin gjuhën shqipe, edhe pse pjesa më e madhe e turistëve që e vizitojnë vendin e dytë më të madh turistik në vend janë nga Shqipëria dhe Kosova. Pronarët e agjencive turistike ia dalin kush si mundet, kështu që shumë shpesh marrin ciceronë që flasin maqedonisht. Ata thonë se për shkak të kësaj turistët vështirë arrijnë deri te informacionet e duhura për atë që shohin.

“Me problem të ngjashëm ballafaqohen edhe në Ohër. Edhe atje numri i ciceronëve turistik që flasin gjuhën shqipe është shumë i vogël”, theksoi Teuta Ziba Xheladini, pronare e agjencisë turistike.

“Në gishta mund të numërohen ciceronët që flasin shqip dhe që munden të ofrojnë shërbime në gjuhën shqipe. Në Ohër ka një ose dy, ndërsa në Strugë ka vetëm një. Ai në Strugë është maqedonas i cili e flet gjuhën shqipe”, tha Kliment Naumov, kryetar i shoqatës së ciceronëve turistik “Kej” – Ohër.

Naumov thotë se problem shtesë është mënyra dhe lehtësia me të cilën në Maqedoni mund të merret certifikata për ciceron turistik. Mësohet dhe mbahen provime vetëm me një libër.

Problem kryesor për këtë sipas një pjese të ciceronëve turistik është ligji i tanishëm për veprimtari turistike por edhe në mos-ndryshimi i programit për trajnime të ciceronëve në institucionet e larta arsimore.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...