12 mije punëtorëve nga sektori privat dhe publik në Maqedoni nuk iu janë shpërndarë sigurimet pensionale të shtyllës së dytë, edhe pse punëdhënësit i kanë bërë pagesat në Fond.
Çdo i punësuar nga viti 2007 deri në vitin 2018 kanë humbur rreth 400 mijë denarë, kontributet e të cilëve kanë mbetur në Fondin e Sigurimit Pensional-Ivnalidor PIOM. Këtë skandal sot e publikoi Ministria e punës dhe politikës sociale, duke theksuar se në PIOM është krijuar një hendek prej 15 miliard denarëve, transmeton Alsat-m.
Ministrja Mila Carovska tha se Qeveria ka ndarë një fond prej 19 milion eurove, për të bërë dëmshpërblimet ose pagesat e munguara të këtyre 12 mijë të punësuarve, të cilët nuk janë në dijeni për dëmin që u është shkaktuar. Ajo tha se rasti do të paraqitet në Prokurori për të hetuar personat zyrtarë.