Reka: Maqedonia e Veriut po zbrazet nga mungesa e perspektivës - Bota Sot
Reka: Maqedonia e Veriut po zbrazet nga mungesa e perspektivës

Maqedonia

Reka: Maqedonia e Veriut po zbrazet nga mungesa e perspektivës

Më: 13 prill 2019 Në ora: 22:50
Blerim Reka sonte vazhdoi fushatën në Gostivar

Kandidati për president në Maqedoninë e Veriut, Blerim Reka, sonte vazhdoi fushatën në Gostivar.

Gjatë tubimit, Reka tha se në thelb të fushatës qëndron Republika kundër shtetit privat e të kapur dhe Republika me perspektivë kundër shtetit të zbrazët.

“Shteti nuk është pronë private, por trashëgimi e gjithë qytetarëve të saj si të barabartë. Republika nuk njehë demokracinë e dozuar për ‘kombet statistikore’, të cilëve u lejohen aq të drejta sa për qind janë. Në Republikë, nuk ka ‘dhënie’ të drejtash sepse ato janë të drejta natyrore si shtetas të këtij shteti, e jo nga diskrecioni i pushtetit që vendosë se kujt, kur, e sa të drejta do t’i lejohen”, tha Reka.

Ai tha se anëtarësimi në organizata ndërkombëtare nuk është i detyrueshëm, por vullnetar dhe se maqedonasit vendosin vetë nëse do bëhen pjesë e tyre.

“Përderisa BE-ja afron vlera, kurse NATO siguri, kjo krijon një perspektivë të përgjithshme në vend, i tërheq investitorët e huaj që të vijnë brenda dhe parandalon qytetarët që të ikin jashtë”, vijoi Reka.

Kandidati për president deklaroi se mungesa a perspektivës e zbrazi për një çerek popullatën e Maqedonisë së Veriut, kurse sipas tij paralajmërimet janë që deri në vitin 2030 mund të ikë edhe çereku tjetër i popullsisë.

“Mungesën e perspektivës nuk e sjell vetëm papunësia, por edhe lodhja e qytetarit nga nepotizmi dhe korrupsioni. Nga mungesa e sundimit të ligjit dhe nga gjyqësori i politizuar. Nuk ka perspektivë po ashtu kur vendi me vite është ndër më të ndoturit në botë”, deklaroi Reka.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...