Të dielën më 5 maj, qytetarët do të votojnë në rrethin e dytë zgjedhor në zgjedhjet presidenciale.
Garën e udhëheqin kandidatët e partive maqedonase LSDM dhe VMRO-DPMNE, Stevo Pendarovski dhe Gordana Siljanovska Davkova.
Nënkryetari i partisë opozitare maqedonase VMRO-DPMNE, Aleksandar Nikollovski thotë se Maqedonia “do ta rikthejë goditjen” më 5 maj.
“Maqedonia tashmë e kthen goditjen. Shohim një lëvizje gjithkund në vend. Këtë shpërthim e kishte edhe në rrethin e parë, por pas rrethit të parë është më i madh. Shpërthimi në besimin se është e mundshme të ndodh ndryshimi. Po ndodh pranvera në Maqedonisë, kurse qytetarët me votën e tyre mund ta bëjnë ndryshimin”, theksoi Nikolloski.
Ndryshe në zgjedhjet e gjashta presidenciale të drejtë vote kanë 1.808.131 qytetarë ndërsa për të qenë i suksesshëm procesi zgjedhor duhet të dalin 40% e votuesve në Listën Zgjedhore, përkatësisht 40% i 1.808.131 qytetarëve.
