Komisioni Shtetëror për Parandalim të Korrupsionit sot do t’i mbajë mbledhjet të 12-të dhe të 13-të.
Në rend dite të mbledhjes së 12-të janë pesë ankesa parashtruar nga sekretari i përgjithshëm i VMRO-DPMNE-së Igor Janushev, si parti pjesëmarrëse/organizuese e fushatës zgjedhore.
Ankesa e parë është kundër Ndërmarrjes komunale publike Gazi Babë 2007, tjetra kundër Kryetarit të Komunës së Gazi Babës Shkup, ndërsa ankesa e tretë kundër Kryetarit të Komunës së Shuto Orizarës. Ankesa e katërt e parashtruar në KSHPK është kundër Kryetarit të Komunës së Kisella Vodës, ndërsa e pesta kundër Kryetarit të Bashkisë së Shkupit.
Në rend dite të mbledhjes së 13-të të Komisionit Shtetëror për Parandalim të Korrupsionit është pika për veprim rreth lëndëve të hapura në procedura sipas detyrës zyrtare për konflikt të mundshëm interesi.
