Ministri i Shëndetësisë, Venko Filipçe sot deklaroi se është e nevojshme që të bëhet revizion i tërësishëm të listës pozitive për të cilën pritet që të miratohet ligji i ri, i cili është në procedurë kuvendare. Filipçe gjithashtu tha se duhet të ulen çmimet e qindra ilaçeve.
Sipas ministrit, ilaçe më të lira duhet të largohen nga lista pozitive, ndërsa me mjete shtesë të sigurohet terapia e re inovative për pacientët.
Filipçe tha se kanë filluar më shumë studime të fizibilitetit për partneritetin privato-publik dhe se njëra procedurë është në rrjedh.
Në lidhje me studimin e fizibilitetit për ndihmën e shpejtë, Filipçe vlerëson se është i nevojshëm një debat i gjerë, sepse ka modele të ndryshme.
