Deputeti i LSDM-së Pavle Bogoevski, sot pasdite tek shërbimet e Kuvendit ka dorëzuar dorëheqjen e tij nga posti i deputetit, të cilën e paralajmëroi ditë më parë.
Arsyja e dorëheqjes së tij, është publikimi i disa audio-inçizimeve, në të cilat dëgjohej se kërkon të blejë kanabis, për të cilin më vonë tha se e ka porositur për nevoja mjekësore.
Pas publikimit të inçizimeve pati reagime të shumta dhe akuza ndaj pushtetit, nga të cilat Bogoevski u detyrua të dorëhiqej.
Pasi paralajmëroi dorëheqjen, Bogoevski kërkoi që të njëjtën gjë ta bëjnë edhe deputetët e OBRM-PDUKM-së të cilët janë në procese gjyqësore dhe të akuzuar nga Prokuroria Speciale.
