Projekti “Shujtë për të gjithë”: Ushqimi tepricë t’u ndahet personave në nevojë - Bota Sot
Projekti “Shujtë për të gjithë”: Ushqimi tepricë t’u ndahet personave në nevojë

Maqedonia

Projekti “Shujtë për të gjithë”: Ushqimi tepricë t’u ndahet personave në nevojë

Më: 10 korrik 2019 Në ora: 15:31
Projekti “Shujtë për të gjithë”

Rreth 500 persona nga kategoritë e rrezikuara sociale - njerëz të pastrehë, të moshuar njerëz nga zonat rurale, nga Shkupi, Prilepi dhe Kumanova, marrin ushqim që sigurohet nga tepricat që u mbetet kompanive. Shpërndarja e ushqimit është brenda kuadrit të projektit “Shujtë për të gjithë”, pas së cilës shtetit duhet të ofrojë një zgjidhje sistemesh që do të lejojë që ushqimi i tepërt të përfundojë tek ata që kanë nevojë. Projekti është mbështetur nga Ministria e Punës dhe Politikës Sociale dhe Kryqi Kuq. 

“Të gjitha transferimet financiare duhet të shkojnë për qytetarët e varfër, por përveç kësaj, mbështetja ushqimore ose ushqimet më të lira mund të përmirësojnë jetesën e tyre, veçanërisht për fëmijët e këtyre familjeve. Ministria e Punës dhe Politikës Sociale dhe Fondi për Inovacione kanë mbështetur këtë aksion pilot për shpërndarjen e ushqimeve të tepërta në vendin tonë. Besojmë se duke tejkaluar tepricën e ushqimit dhe mundësinë e shpërndarjes së saj, ne mund të kemi një shujtë më cilësore për qytetarët”,- deklaroi ministrja e punës dhe politikës sociale, Milla Carovska, transmeton TVM2.

“Çdo të mërkurë në Momin Potok një pjesë e ushqimit e sjellim këtu dhe dy herë në javë sigurojmë ushqim për personat e moshuar. Katër ekipe me vullnetarë shkojnë në shtëpitë e qytetarëve të moshuar dhe të dobët, u japin atyre ushqimin”,- tha Suzana Tuneva nga Kryqi i Kuq.

Ministria e Punës dhe Politikës Sociale paralajmëron miratimin e ligjit që do të zgjidh problemin me tepricën e ushqimit që shpeshherë hidhet. Nga kjo tepricë e ushqimit pritet që rreth 13 mijë njerëz të fitojnë tre shujta në ditë. 

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...