Maqedoni e Veriut, për herë të parë një shqiptar komandant brigade - Bota Sot
Maqedoni e Veriut, për herë të parë një shqiptar komandant brigade

Maqedonia

Maqedoni e Veriut, për herë të parë një shqiptar komandant brigade

Më: 18 korrik 2019 Në ora: 16:56
Foto ilustrim

Presidenti i Maqedonisë së Veriut, Stevo Pendarovski ka shkarkuar nga pozitat gjashtë pjesëtarë të ARM-së të cilët në muajin shkurt ishin ngritur në detyrë nga paraardhësi i tij Gjorge Ivanov.

Vendimi i Pendarovskit ka ardhur pas konstatimit të Komisionit kundër korrupsionit se vendimet janë joligjore.

Sipas antikorrupsionit, vendimet që janë marrë në 25 shkurt, pas shpalljes së zgjedhjeve presidenciale, janë në kundërshtim me Kodin Zgjedhor.

Nga gjashtë emrat e shkarkuar, dy janë vendosur në po të njëjtat pozita në të cilat i kishte emëruar Ivanov, për dy të tjerë do të vendosë Ministria e Mbrojtjes, për njërin vendos Armata, kurse personi i gjashtë, gjenerali Vasko Gjurçinovski mbetet kolonel i përgjithshëm, duke qenë se nuk ka bazë ligjore mbi të cilën mund të hiqet grada e tij.

Në mesin e këtyre gjashtë personave është Besnik Emini, i emëruar si komandant i brigadës së parë të makinerisë këmbësore në komandën e përbashkët operative në shtabin e përgjithshëm të Armatës. Emini është shqiptari i parë që mban gradë të këtillë në armatën e vendit. 

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...