Maqedoni, do të rinovohen 34 institucione shëndetësore publike - Bota Sot
Maqedoni, do të rinovohen 34 institucione shëndetësore publike

Maqedonia

Maqedoni, do të rinovohen 34 institucione shëndetësore publike

Më: 8 gusht 2019 Në ora: 13:46
Ilustrim

Ministria e Shëndetësisë informon se më 06.08.2019 në sistemin elektronik për shpallje publike e ka filluar procedurën për mirëmbajtjen e objekteve dhe blerjen e krevateve spitalore dhe televizorëve, për nevojat e 34 institucioneve shëndetësore në Maqedoninë e Veriut.

Nga MSH thonë se me qëllim që të përforcohet kapaciteti shëndetësor, kanë inicuar aktivitete për përmirësimin e kushteve në shtëpitë e shëndetit dhe objektet tjera nga shëndetësia në vend, përcjell Telegrafi Maqedoni.

“Me qëllim që të përmirësohen kushtet në të cilat jepen shtëpitë primare të shëndetit do të bëhet lyerja komplete e të gjitha hapësirave të brendshme me materiale dhe ngjyra të cilat përdoren për enterier në spitale dhe hapësira të tjera publike dhe të njëjtat mundësojnë mirëmbajtjen dhe pastrimin adekuat, riparim i dyerve dhe dritareve të brendshme dhe ndërrimin e galanterisë në tualete, si dhe furnizimin e krevateve të reja spitalore dhe televizorë në dhomat e spitaleve”.

“Me rinovimin e institucioneve shëndetësore përgjatë gjithë shtetit, personelit mjekësor do t’i mundësojmë kushte më të mira për punë, por edhe kushte më dinjitoze të pacientëve për qëndrim në spital”, thonë nga MSH.

Nga Ministria ju bëjnë thirrje të gjithë operatorëve të interesuar ekonomikë që kanë interes për pjesëmarrje që ta shohin gjithë dokumentacionin në Sistemin elektronik për furnizime publike.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...