Të dyshuarit në rastin “Banka postare” do të dëshmojnë për “Haraçin” - Bota Sot
Të dyshuarit në rastin “Banka postare” do të dëshmojnë për “Haraçin”

Maqedonia

Të dyshuarit në rastin “Banka postare” do të dëshmojnë për “Haraçin”

Më: 11 dhjetor 2019 Në ora: 14:10
Tome Gllavçev dhe Zoranço Mitrovski

Afaristët Tome Gllavçev dhe Zoranço Mitrovski, të cilët janë të dyshuar në lëndën e PSP-së “Banka postare” e hapur në tetor të vitit 2018, janë dy nga tre dëshmitarët të cilët me propozim të prokurores Villma Ruskovska, më 25 dhjetor do të dëshmojnë për rastin “Haraçi”.

Gllavçev dhe Mitrovski, sipas A1on, kanë dhënë deklarata tek Ruskovska në mesin e të parëve, që në muajin qershor. Ftesë për të dëshmuar për “Haraçin” më 25 dhjetor ka marrë edhe avokati Sashko Boshkov.

Në rastin “Banka postare”, pas kërkesës së PSP-së gjykata i ngriu pasuritë e gjitha kompanive të personave të dyshuar, duke përfshirë edhe pasurinë e Gllavçevit dhe kompanive të tij.

Me mendim pozitiv nga Katica Janeva, gjykata ia ktheu pasaportën Gllavçevit, ndërsa këtë masë e zëvendësoi me garancë prej mbi 900 mijë eurove.

Si dëshmitarë në rastin “Haraçi” janë ftuar edhe Viktor Donevski, ish-gazetar dhe ish-drejtor gjeneral i “Media Print Makedonija”, në periudhën kur pronar i tyre ishte “Orka Holding” e Orce Kamçevit.

Shfaq komentet
comments powered by Disqus
Sot mund të lexoni Shfletoni kopertinat