Ambasadorja e Kroacisë në vendin tonë, Nivec Tiganj tha se zgjerimi, veçanërisht hapja e negociatave me Maqedoninë e Veriut, do të jetë një nga prioritetet e presidencës së Kroacisë me BE-në.
Ajo tha se pret që në periudhën e ardhshme një rezultat pozitiv.
“Qëllimi jonë ta tejkalojmë dhe zhbllokojmë atë që për fat të keq nuk u bë në tetor të vitit të kaluar nga Këshilli i BE-së dhe të gjejmë një zgjidhje që do të zhbllokojë vendimin për negociatat e pranimit midis Bashkimit Evropian dhe Maqedonisë së Veriut.
Kroacia do të përpiqet të marrë përsipër dhe të angazhohet më fort për të siguruar shtetet për vazhdimin e procesit të pranimit dhe për të gjetur një mënyrë dhe model për Maqedoninë e Veriut për të hapur negociatat”, tha ambasadorja kroata për AIM-në.
Ajo theksoi se Kroacia tashmë po ndërmerr veprime në këtë periudhë të shkurtër të presidencës së saj gjashtë mujore, të udhëhequr nga Kryeministri Andrej Plenkoviq, në të cilën tregon se po i jep përparësi zgjerimit, dhe se hapja e negociatave të pranimit me Maqedoninë e Veriut e vendos në prioritetet e larta gjatë presidencës kroate me BE-në.
