Zekiri: OBRM-PDUKM-ja vetëm deklarativisht është pro NATO-s dhe BE-së, në praktikë punon të kundërtën - Bota Sot
Zekiri: OBRM-PDUKM-ja vetëm deklarativisht është pro NATO-s dhe BE-së, në praktikë punon të kundërtën

Maqedonia

Zekiri: OBRM-PDUKM-ja vetëm deklarativisht është pro NATO-s dhe BE-së, në praktikë punon të kundërtën

Më: 18 shkurt 2020 Në ora: 22:52
Muhamed Zekiri

Deputeti dhe nënkryetar i LSDM-së Muhamed Zekiri, në një intervistë për TV24 tha se partia opozitare maqedonase OBRM-PDUKM nuk e respekton emrin kushtetues dhe është kundër euro-integrimeve.

Zekiri theksoi se OBRM-PDUKM-ja luan lojë të dyfishtë.

“OBRM-PDUKM-ja e votoi protokollin për anëtarësimin e Maqedonisë së Veriut në NATO, me çka treguan se nuk ju pengon ajo që Maqedonia e Veriut do të jetë anëtarja e 30-të e NATO-s. Nga ana tjetër Rashella Mizrahi nuk e respekton Kushtetutën dhe paraqitej me tabelë me emrin e vjetër të shtetit, madje këtë e bëri dy herë duke thënë se nuk do ta ndërrojë tabelën, por do të paguajë gjobë. Me këtë ajo tregoi se nuk do ta respektojë Kushtetutën. Kjo është lojë e dyfishtë e OBRM-PDUKM-së”, tha Zekiri.

Ai shtoi se OBRM-PDUKM-ja vetëm deklarativisht punon për NATO dhe BE, ndërsa sipas tij, në praktikë punon të kundërtën.

Sa i përket fushatës parazgjedhore, ai tha se LSDM-ja do të ketë fushatë pozitive.

Shfaq komentet
comments powered by Disqus
Sot mund të lexoni Shfletoni kopertinat