Ministri i Drejtësisë, Bojan Mariçiq pret që sot Kuvendi ta fillojë seancën për shtyrjen e regjistrimit, i cili, siç thotë ai, ende nuk ka filluar.
Sipas ministrit Mariçiq, edhe pse sot duhej të nisej regjistrimi i popullsisë, askush nuk e shkeli ligjin.
“Askush nuk e shkel ligjin. Sipas standardeve e Eurostat, regjistrimi duhet të zgjasë rreth 15 ditë. E rëndësishme është se kur përfundon. Mund të fillojë edhe me disa ditë më vonë”, tha Mariçiq.
Ai tha se regjistrimi sipas propozim-ligjit të parashtruar nga Qeveria, regjistrimi do të shtyhet për në muajin shtator.
“Sot duhet të mbahet seancë dhe ky vendim është i kryetarit të Kuvend”, tha Mariçiq duke potencuar se procedura është e shkrutuar me flamur evropian dhe se debati do të zgjasë maksimum dy ditë.
Mariçiq tha se pjesa më e madhe e deputetëve mbështesin shtyrjen e regjistrimin përveç deputetëve të Aleancës për Shqiptarët dhe Alternativa.
