Nga data 25 gusht, SHESHI SKENDERBEJ do të jetë epiqendra e një numri të madh aktivitetesh të larmishme kulturore dhe artistike për të gjitha gjeneratat.
Këtë e ka bërë të ditur vet kryetari i komunës së Çairit Izet Mexhiti në profilin e tij në facebook.
Shkrimi i plotë në facebook:
“Me një program të pasur kulturor gjatë periudhës në vijim do të shënojmë përfundimin e projektit më të madh urbanistik në Komunën e Çairit – Sheshi Skënderbej.
Në vijim ju paraqesim programin e përbashkët me Qendrën Kulturore Informative-QIK Shkup dhe Galerinë Kombëtare të Maqedonisë.
Ju ftoj të gjithëve të jeni pjesë e këtyre ngjarjeve, duke përjetuar kulturën dhe artin e të gjitha trevave shqiptare.
Ju faleminderit për përkrahjen gjatë realizimit të këtij projekti shumë të rëndësishëm për vendin tonë”.
