Zoran Trajçeski, drejtori i Agjencisë për shërbime mediatike audio dhe audiovizuale (ASHMAA) thekson se me largimin e taksës radiodifuzive dhe financimin e Agjencisë nga buxheti i shtetit, do të prishet pavarësia e këtij institucioni.
Ai shtoi se ky është vetëm një akt populist, për përmbushjen e premtimeve parazgjedhore.
“Largimi i taksës radiodifuzive dhe financimi nga buxheti, do të thotë prishje totale e pavarësisë së institucionit dhe vendosje nën qeverinë. Nëse ka ekzistuar praktikë e tillë, do të pranohej edhe nga vendet tjera evropiane. Ky është akt populist për përmbushjen e premtimeve parazgjedhore”, tha Trajçevski.
Duke u përgjigjur në pyetjet e gazetarëve në lidhje me ligjin e ri për mediat, ai tha se mendimi i tij personal është se bëhet fjalë për tekst i cili është në kundërshtim me direktivat evropiane.
