Zaev: Biznesmenë grek “pro rus” kanë penguar anëtarësimin e Maqedonisë në NATO - Bota Sot
Zaev: Biznesmenë grek “pro rus” kanë penguar anëtarësimin e Maqedonisë në NATO

Maqedonia

Zaev: Biznesmenë grek “pro rus” kanë penguar anëtarësimin e Maqedonisë në NATO

Më: 16 korrik 2018 Në ora: 14:45
Zoran Zaev

Kryeministri i Maqedonisë Zoran Zaev, në një intervistë për “BuzzFeed News” ka deklaruar se ka informata se biznesmenët grek “pro rus” kanë paguar mijëra dollarë, me qëllim që ta pengojnë anëtarësimin e Maqedonisë në NATO.

Zaev refuzoi që të tregojë se kush qëndron prapa pagesave, duke theksuar se ka një hetim për të njëjtën dhe se bëhet fjalë për marrëdhënie të ndjeshme diplomatike.

“Shtetas të huaj, të afërt me Rusinë kanë paguar mijëra dollarë që të shkaktojnë dhunë me qëllim që ta pengojnë integrimin e Maqedonisë në NATO. Një pjesë e tyre janë të lidhur me media, një pjesë i nxisin të rinjtë që të protestojnë përpara Kuvendit dhe t’i sulmojnë policinë. Ajo shihet qartë”, deklaroi Zaev.

Ai ka theksuar se policia ka mësuar për pagesat pas arrestimit të disa pjesëmarrësve në protestat e dhunshme përpara Kuvendit në muajin e kaluar.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...