Partia maqedonase në pushtet LSDM, përmes një kumtese thekson se “reagimet nervoze të udhëheqësisë së OBRM-PDUKM-së, tregojnë se opozita është bllokuar në amnistinë e Nikolla Gruevskit”.
“Të fokusuar në kërkesën për amnisti, Hristijan Mickoski dhe udhëheqësia e OBRM-PDUKM-së kanë humbur drejtimin dhe të pakënaqur i nënvlerësuan mbi 600 mijë qytetarë, duke i shpallur si jorelevant”, thonë nga LSDM.
Ata shtojnë se vullneti i qytetarëve në referendum është shprehur qartë dhe se ata janë për anëtarësim në NATO dhe BE.
“Gjithë deputetët, gjithë partitë politike duhet ta respektojnë vullnetin e qytetarëve dhe duhet të kyçen në procesin për anëtarësim në NATO dhe BE”, thonë nga LSDM.
