Gigi Hadid dhe Zayn Malik po e shijojnë shumë këtë periudhë me vajzën e tyre, Khai. Por pas muajsh në privatësi të plotë, duke iu përkushtuar mëmësisë, Gigi u kthye në modelim dhe foli për Vogue, duke rrëfyer si ishte lindja, si ajo dhe Zayn planifikojnë ta rrisin vogëlushen Khai dhe nëse planifikojnë ta zgjerojnë familjen e tyre.
Gigi tregoi se fillimisht donte të lindte në një spital të New York City, por vendosi të bënte një lindje në shtëpi, në fermën në Bucks County, Pennsylvania, ku ajo dhe Zayn po jetojnë aktualisht. Kjo në mënyrë që nëna e saj Yolanda dhe motra Bella mund të ishin atje me të. U deshën 14 orë për lindjen (pa epidural), por fatmirësisht Gigi kishte Zayn, nënën e saj, maminë dhe ndihmësen e mamisë për ta ndihmuar në atë proces.
Ishte e vështirë dhe Gigi tha:
"As nuk e kuptova që doli. Isha aq e rraskapitur, ngrita sytë dhe pashë që ai po e mbante në krahë. Ishte kaq e bukur".
Gigi gjithashtu foli për zgjedhjen e saj për të mos bërë një epidural, duke thënë:
"Unë kisha bërë shumë kërkime ... E dija se do të ishte dhimbja më e çmendur në jetën time, por duhet t'i dorëzohesh asaj dhe të mendosh, ‘Kjo është ajo që është’. Më pëlqeu shumë. Patjetër që ishte një pikë ku pyeta veten se si do të ishte po të kisha bërë një epidural, sa ndryshe do të ishte. Mamia ime më pa dhe tha, ‘Po e bën ti. Askush nuk mund të të ndihmojë. Ti gjithsesi e ke kaluar pikën e epiduralit, kështu që do të shtysh në të njëjtën mënyrë në një shtrat spitali.' Më pas, unë dhe Z pamë njëri-tjetrin dhe thamë, 'mund të presim ca kohë para se ta bëjmë përsëri.'"
Zayn është pa dyshim një baba krenar, por ai vuajti teksa shihte që Gigi po kalonte diçka kaq të vështirë. Zayn e krahasoi përvojën e tij të lindjes së të bijës me një dokumentar që ai kishte parë, në të cilin një luan mashkull doli me nervozizëm jashtë shpellës ndërsa luanesha lindte këlyshët e tyre.
Për këtë Gigi tha:
"Z më tha, ‘Kështu u ndjeva unë! Ndihesh kaq i pafuqishëm kur shikon personin që do me dhimbje.'"
Ndërsa tani, Gigi dhe Zayn po mendojnë se si do të dëshironin që vajza e tyre Khai të rritet.
"Unë mendoj se ajo patjetër do të rritet këtu [në Pensilvani]," tha Gigi. "Gjelbërimi dhe mënyra e jetesës në fermë janë të ngjashme me atë që më bëri të ndihem vërtet e përqendruar si fëmijë dhe mendoj se kjo është me të vërtetë e rëndësishme për mua dhe Zayn. Mendoj se thjesht t'i japësh mundësinë fëmijës për të eksploruar interesa të ndryshme është një gjë kaq e bukur."
Këto interesa potencialisht të zgjerohen në fe, gjithashtu. Si kujtesë, Zayn është mysliman, ndërsa Gigi u rrit me traditat e krishtera dhe myslimane si fëmijë.
"Mendoj se të dy duam që vajza jonë të kuptojë plotësisht të gjithë prejardhjen e saj - dhe gjithashtu duam ta përgatisim atë," vazhdoi Gigi. "Nëse dikush i thotë diçka në shkollë, ne duam t'i japim asaj mjete për të kuptuar pse fëmijët e tjerë do ta bënin atë gjë dhe nga vjen kjo.”
Duket se Gigi dhe Zayn janë shumë të përgatitur për të ardhmen që i pret.
