Ditë më parë u raportua se artisti serb, Goran Bregovic është i ftuar në festivalin e Korçës.
Ky lajm bëri bujë derisa shkaktoi edhe reagime nga këngëtarët e estradës.
Genc Prelvukaj e ka quajtur të gabuar pjesëmarrjen e tij dhe të pa arsyeshme.
“Duhet ta kuptojmë që nuk arsyetohet një gabim përmes gabimit tjetër. Të gjitha këto veprime janë të gabuara pa përjashtim, duke filluar nga favorizimi i produkteve serbe ne Kosovë, ftesa e Goran Bregovicit ne Korçë, flamujt serbë në lokale ne Durres, pjesmarrja e shqiptarëve të Kosovës në koncertin e Cecës në Shkup, ndërtimi në Tiranë i pllakës përkujtimore të viktimave gjate grusht shtetit në Turqi, deri tek mbajtja e shtesave sllave apo bullgare ne mbiemra në Maqedoni e Mal te Zi.
Një ditë, në një të ardhme që nuk duhet e afert, gjerat mund të ndryshojnë, por deri atëherë shumë prej këtyre gjërave nuk mund të trajtohen aq thjeshtë dhe të kuptohen si zhvillime normale”, ka shkruar këngëtari.
