Kështu u tha sot në protestën e radhës e mbajtur sot në mesditë në qendër të qytetit të Pejës, e organizuar nga përfaqësuesit e 14 fshatrave të trevës së Rugovës, në të cilën morën pjesë një numër jo i madh i qytetarëve për shkak të shiut, i cili ndikoi që pjesëmarrja e qytetarëve të mos ishte më masive.
Me gjithë kushtet e vështira atmosferike, pranë shumë të pranishmëve ajo u përcoll me interesim të madh nga shumë ekipe televizive, gazetarë dhe aktivist të shumtë nga qyteti i Pejës dhe Rrafshi i Dugagjinit, për t'i thënë JO, ngritjes së laurës (rampës) në hyrje të grykës së Rugovës, e cila fuqishëm u kundërshtua ashpër nga kryetari i Njësisë së parë territoriale për trevën e Rugovës së ultë, z. Agron Nikçi, i cili ndër të tjera tha, se vendosja e kësaj barriere-rampe është pa pëlqimin e banorëve është kundër ligjore, antidemokratike, shumë e dëmshme si dhe kundër interesave të zhvillimit të kësaj ane. Me vënien e rampave dhe kontrollit policor përmes kamerave, treva jonë do shndërrohet në një kopsht zoologjik i pa presedencë në botën e qytetëruar. Andaj, askush pa pëlqimin tonë nuk mund të bie vendime kundër interesave tona jetësore siç është plani dhe zhvillimi i trevës së Rugovës..!?
Ndërsa në fjalimin e tij, kryetari i Njësisë së dytë territoriale për trevën e sipërme të Rugovës, z. Flamur Rexhbogaj, me plotë emocione që në fillim citoi miken dhe shkrimtaren e njohur Edit Durham, e cila para 100 viteve për Rugovasit ka thënë; “Rugovasit janë trungu më i vjetër i gadishullit ilirik, ato alpe frymojnë dhe e ndjejnë peshën e lirisë dhe historisë të shkruar me gjakun e dëshmorëve, ato alpe janë vetëmbrojtje, përkushtim, sakrificë në përballje para pushtuesve të ndryshëm, janë pra rruga e lirisë nëpër të cilën ka ecur kjo trevë për të mos u gjunjëzuar kurrë..”!?
Më pas shpalosi shkaqet pse banorët e trevës së Rugovës e kundërshtojnë me këmbëngulje vendosjen e laurës (rampës), duke nënvizuar faktin, se ky akt është diskriminues, denigrues dhe antikombëtar për popullatën e kësaj ane, të cilëve do u ndalohet lëvizja e lirë, do pengohet zhvillimi turistik i kësaj ane si dhe kjo trevë do i përngjan një ishulli të izoluar. Tha se, çdo vendim që është ndërmarrë pas luftës lidhur me trevën e Rugovës, asnjëherë nuk janë pyetur dhe as nuk është biseduar me banorët e Rugovës, siç ishte rasti me nxjerrjen e ligjit për shpalljen e kësaj zone "Park kombëtar" (2013), falja Malit të Zi të 8300 hektarëve toka tona stërgjyshore, plani për ndërtimin e 5 digave në lumin Bistrica dhe tash edhe ngritja e kësaj rampe për përfitime financiare, gjë të cilën nuk do ta lejojmë të ndodhë me çfarëdo çmimi qoftë.
Kurse përfaqësuesi i mbi 100 shoqërive civile, në fjalimin e tij mjaft përmbajtësor shprehu solidarizimin e plotë të tyre me kërkesat e popullatës së Rugovës, që asnjëherë dhe në asnjë pëllëmbë të Kosovës mos të vendosen barriera dhe post-blloçe, sepse pengesa të tilla absurde dhe kemi pasur për më shumë se një shekull para dyerve të shtëpive tona të vëna nga armiqtë tanë..!?
