Është shumë interesant se sa cinik është Vuçiqi. Ai çdoherë në deklaratat ndaj shqiptarëve, po edhe ndaj ndërkombëtarëve, përfshirë edhe SHBA-të, kohën e fundit, është gjithherë tepër cinik.
Ai paraqitet sikur vetë është demokrati më i madh, sikur është për lirinë e të gjitha kombeve që jetojnë në Serbi, por i ka mbetur vetëm Kosova dhe serbët e Kosovës. Këtu e ka fjalën rreth dinarit që duhet të ndalohet në veri të Kosovës. Sikur nuk e di Vuçiqi se veriu i Kosovës është Brenda Republikës së Kosovës, dhe se duhet të zbatohet ligji në mbarë Kosovën, jo kush si të dojë.
Vuçiq ka thënë se nga “Prishtina ka paralajmëruar se do të anulohet transaksioni i pagesave me Serbinë qendrore, përdorimi i dinarit dhe po ashtu do të bastiset Banka e Kursimeve Postare”. Çfarë do të thotë kjo me Serbinë qendrore? Përse nuk e thotë vetëm me Serbinë, poi a shton edhe këtë qendrore ? Kjo ka një bisht, madje tepër të gjatë : kjo lë të kuptohet se gjoja edhe Kosova është Serbi, më në skaj, jo në qendër. E, si Serbi, sikur nuk mundet të ketë një monedhë tjetër nga ajo e asaj Serbie qendrore!
Vallë, nuk është cinizëm ky !?
Vuçiqi për shpërthimin në veri të Kosovës më 16 janar 2024, tha:
« Është turp të flitet se atë bombë e kanë hedhur serbët». - vallë, di Vuçiqi se ç’është turpi, kur vetë është i mbuluar me turpin ? Pastaj, përse të jetë turp të thuhet, kur ata vetë i gjuajnë ato, nga që shqipatrët nuk i gjuajnë granatat, nuk kanë për çka, nuk e mohojnë Republikën e Kosovës. Granatat i gjuajnë mohuesit e Pavarësisë së Koasovcës, krejt sipas instruksioneve të Vuçiqit, ashtu sikur vrasja e të rinjve në « Panda », ashti sikur Maretinoviqi që i pati futur shishen vetes, për t’ua lënë shqiptarëve. Ndryshe, Vuçiqi i tërhoqi policët nga veriu i Kosovës, tani përse qahet? Ata nuk qenë larguar nga puna prej shqipatrëve e as nga qeveria e Kosovos.
« Bëhet fjalë për vendosmërinë tonë, do të kemi shumë sfida sepse keni të bëni me njerëz të papërgjegjshëm në Prishtinë». – vazhdon Vuçiqi. Eh, sa i ndërgjegjshëm është vetë ky, madje edhe si një kryetar shteti, që vërtet duhet të jetë shembull i mirë për të gjithë, jo vetëm për atë që i dhemb atij. Në njërën anë ata janë të vendosur, po kanë shumë punë me njerëzit e pandërgjegjshëm! Sikur vetë është shumë i ndërgjegjshëm, kështu lë të kuptohet cinizmi i tij.
«Shpresoj që amerikanët të mos qëndrojnë pas kësaj”, - tha Vuçiqi. Edhe kjo një cinizëm tepër i madh ndaj SHBA-s, pse e përkrahkan Kurtin! Ka harruar se ky vetë është përkrahësi i BE-së, ndryshe, nuk do i veheshin masat Kosovës me pa të drejtë, por ato do I veheshin Serbisë me plot të drejtë për shumë arsye, por po I numëroj vetëm disa :
Vuçiqi nuk i vuri sanksionet Rusisë pas shpalljes së luftës kundër Ukrainës ;
Njerëzit e Vuçiqit ishin ata që plagosën plot 90 ushtarë të KFOR-it në Zveçan në maj 2023 ;
Vuçiqi e kundërshtoi Marrëveshjen e Ohrit me Kosovën, mbasi që e kisjhte pranuar ;
Vuçiqi është ai që po ikë nga dialogu me Kosovën, djhe
Vuçiqi është ai që nuk po nënshkruan marrëveshjen për normalizimin e marrëdhënieve me Kosovën…
Të themi edhe tjetrën se, ai përpiqet të mnbetet edhe me Rusinë edhe me SHBA, kur thotë se do të vazhdojnë të bashkëpunojnë edhe me SHBA-të! Që deri tani ia ka dalë.
Vuçiqi është vazhdimisht për dialog, nëse tjerët thonë siç siç thot ai!
