A i ka thënë kryeministrit të Shqipërisë ndonjë këshilltar jugosllav, nga ata që mban me tepricë rreth vetes, së Ricard Grenell, ortaku i Jared Kushnerit, që do marrin sëbashku nga kryeministri ishullin e Sazanit dhe do investojnë atje, (disa thonë paret e arabeve, disa thonë paret e Serbisë), paguhet nga Serbia 100 mijë dollarë në muaj, sipas analistit dhe historianit të njohur serb Dushan Janjic? Nuk di nëse i kanë thënë kryeministrit të zënë gjithë ditën me podcaste, me fb dhe me rrjete sociale, se presidenti i Serbisë Vuçiq e ka dekoruar Grenellin ne 25 tetor 2023 me "Urdhërin e Flamurit Serb" të klasit të parë, për shërbime të posaçme ndaj Serbisë.
A i kanë thënë kryeministrit të Shqipërisë këshilltarët e tij ligjore se Kushtetuta e detyron atë që të marrë lejen e parlamentit para se të shpreh gatishmërinë publike për t'i dorëzuar sovranitetin dhe kontrollin e një ishulli të tërë shqiptar dy biznesmenëve të huaj me lidhje okulte në Serbi, pavarësisht se çfarë pasaporte mbajnë?
Po sovranistët e leshit të opozitës, që ngritën stuhi artificiale protestash në gotë për një kamp të përkohshëm refugjatësh afrikanë në Shëngjin, si nuk u ngriten dhe nuk iu drejtuan Gjykatës Kushtetutes për shkeljen e sovranitetit nga kryeministri për gatishmërinë e shprehur publike për dorëzimin e ishullit të Sazanit, ishullit më të madh strategjik të Shqipërisë? Apo mikut të tyre dhe të Serbisë janë gati t'i falin gjysmën e Shqipërisë vetëm t'u heqë ndonjë njollë të paheqshme mëkatesh korrupsioni në qeverisje?
Te udhëeheqësit apatride të qeverisë dhe të opozitës shqiptare sovraniteti dhe integriteti territorial i vendit nuk vlen një lek.
