Raportet Kosovë-Serbi vazhdojnë të jenë të tensionuara.
Së fundi, kryeministri i Kosovës, Albin Kurti nuk ka përjashtuar mundësinë e një sulmi të ri serb në territorin e Kosovës, pas atij të 24 shtatorit në Banjskë.
“Kemi një fqinj agresiv që nuk na pranon. Nuk mund të përjashtojmë mundësinë e një sulmi sepse nuk varet nga ne. Por ne mbetemi vigjilentë dhe të mbështetur nga trupat tona dhe ato të aleatëve tanë të NATO-s, të cilët kanë shtuar mbështetjen e tyre që nga sulmet e shtatorit për të garantuar sigurinë e vendit tonë”.
E për këtë paralajmërim të kryeministrit Kurti, foli eksperti austriak, Gunther Fehlinger në një prononcim për “Bota sot”.
Së pari, ai tha se Kurti ka të drejtë të jetë i shqetësuar.
Madje, eksperti alarmi duhe thënë se shteti serb do të bëjë luftë në Kosovë e Bosnjë, e që sipas tij sulmet e reja mund të ndodhin gjatë Krishlindjeve apo në janar.
Për këtë ai dha disa shpjegime.
“Kryeministri Kurti ka të drejtë që është i shqetësuar.
Serbia do të bëjë një luftë të dyfishtë të frontit për ta shkëputur Republikës Srpska nga Bosnja dhe veriun e Kosovës nga Kosova, me shumë mundësi kjo do ndodhë gjatë Krishtlindjeve dhe më së voni në janar 2024!
Pse do të ndodhë kjo dhe fatkeqësisht ka shumë të ngjarë të ketë sukses?
Vuçiq humbi mbështetjen publike dhe njerëzit e tij janë gati për protestë dhe shpresojmë se SrboMaidan pasi vodhi zgjedhjet dhe atij i duhet kjo luftë për të bashkuar këtë popull dhe për të shpallur gjendjen e jashtëzakonshme për të mbrojtur regjimin e tij të paligjshëm.
Vuçiq e kupton se Serbia humbi pothuajse të gjithë mbështetjen perëndimore për shkak të sulmit terrorist në Banska dhe politikës së tij pro Rusisë gjatë kohës së luftës - sa më gjatë të presë me luftën e tij të ripushtimit, aq më shumë presion për njohje po vjen dhe kështu ai është nën presionin e kohës”, deklaroi eksperti austriak.
Madje, Fehlinger, tha se Putin dëshiron luftëra të reja, atë edhe në Ballkan, për ta shmangur dështimin e luftës në Ukrainë, dhe largimin e vëmendjes së ndërkombëtarë.
Kësisoj, potencoi se Vuçiq duhet të hapë front të ri lufte, për ta shpëtuar Putinin, apo në rast se nuk e bën një gjë të tillë rrezikon ta ketë fundin e tij.
“Putin është nën presion të madh pasi humbi luftën e tij në Ukrainë dhe mund të humbasë fuqinë e tij në Rusi gjatë fushatës së ardhshme të dimrit nga Ukraina, kështu që Rusia përpiqet të krijojë sa më shumë luftëra të jetë e mundur. Rusia ushtron presion maksimal mbi të gjithë akset e saj të rezistencës nga Serbia, Azerbajxhani, Hamasi, Houtis, Venezuela, Koreja e Veriut për të filluar luftërat e devijimeve për të tërhequr burimet e NATO-s nga Ukraina! Serbia mund dhe do të krijojë frontin jugor për Rusinë në Ballkan tani ose Vuçiç do të humbasë mbështetjen e Putinit dhe kjo do të nënkuptojë fundin për Vuçiqin, kështu që ai nuk ka alternativë ndaj luftës”.
Më tej, ai tha se shteti serb është I binfur se SHBA-ja, BE-ja dhe Britania e Madhe nuk janë gati për një luftë të re, kësisoj synon aneksimet e saj.
Gjithashtu, Fehlinger nuk u shpreh optimist se sulmet mund të parandalohen nga ana e NATO-s.
“Perëndimi, NATO dhe BE nuk perceptohen nga Serbia si të gatshme për të goditur ashpër Beogradin dhe Banja Lukën në rast të një lufte të kufizuar aneksimi, e cila perceptohet sikur ekziston një shenjë e mbështetjes publike nga serbët në Bosnje dhe Kosovë. Kërcënimet e izolimit ose humbjes së perspektivës së BE-së janë më pak problematike në krahasim me bashkimin kombëtar të të gjithë serbëve në Serbi dhe përmbushjen e ëndrrës kombëtare të Serbisë së Madhe, e bazuar gjithmonë në gjenocid dhe spastrim etnik. Dhe, Serbia është e sigurt se SHBA-ja, BE-ja dhe Britania e Madhe nuk janë gati për një luftë të re gjatë zgjedhjeve të shumëfishta të vitit 2024 në ndonjë mënyrë kuptimplotë si bombardimi i Banja Lukës dhe Beogradit si përgjigje ndaj aneksimeve serbe. Parandalimi fatkeqësisht nuk është më doktrina e NATO-s dhe Serbia nën Vuçiçin e konsideron fitoren realiste të një lufte të kufizuar kundër forcave të vogla të Federatës së Bosnjës, Kosovës dhe kontingjentit të vogël të BE-së dhe KFOR-it me mandatin dhe armët e tyre të kufizuara”, theksoi eksperti austriak.
Po ashtu, ai komentoi edhe ushtrinë serbe, vendosjen e tyre afër kufirit me Kosovën dhe gatishmërinë për të sulmuar.
“Serbia është një ushtri shumë e aftë, gatshme për të goditur shpejt dhe me vendosmëri, ku të gjitha mjetet e nevojshme për një aneksim të tillë të dyfishtë janë në dispozicion dhe Serbia shpenzon rreth 10 herë më shumë se Kosova në mbrojtje dhe ka trashëguar një industri masive të mbrojtjes në gjendje të furnizojë dhe të mbajë një fushatë pushtuese ushtarake në territorin e perceptuar miqësor dhe të pengojë forcat e NATO-s në atë masë sa që vetëm ndërhyrja serioze mund ta ndalë Serbinë dhe fatkeqësisht askush në Perëndim nuk është gati për bombardimin e Beogradit dhe Banja Lukës si përgjigje ndaj aneksimeve të kufizuara, në mënyrë që Serbia të jetë gati për lojën për të rrezikuar luftën janar 2024.
Kosova ishte shumë me fat më 24 shtator dhe SHBA-ja ishte e gatshme dhe e përgatitura dhe Serbia vetëm testoi reagimin, por herën tjetër Serbia do të hyjë dhe kapaciteti i kufizuar ushtarak i Kosovës është shumë inferior ndaj atij të Serbisë dhe elementi i befasisë do të jetë në anën e Serbisë dhe Serbia mund të krijojë fakte brenda disa orësh për shkak të bazave të operimit përpara dhe të sulmit të ushtrisë së gatshme të dislokuar aq afër kufijve të Bosnjës dhe Kosovës, të mbështetur nga milicitë lokale”, shpjegoi Fehlinger.
Ndër të tjera, ai u shpreh se lufta është shumë afër, duke thënë se kjo mund të parandalohet me disa mënyra, e që natyrish duhet prania e NAT0-s dhe rritja e trupava të KFOR-it në vendin tonë.
“Pra, lufta është pothuajse e sigurt.
Lufta mund të shmanget vetëm me parandalim serioz nga Kosova në kufirin verior me prani të dukshme ushtarake të mbështetur nga prania e konsiderueshme e KFOR-it dhe prania masive ushtarake amerikane në detin Adriatik dhe në hapësirën ajrore të Ballkanit gjatë janarit me shfaqjen e dukshme të kapacitetit bombardues amerikan, një aeroplanmbajtëse bërthamore me bazë në Split, Kroacinë e gatshme për të goditur dhe vullnetin e fortë dhe të dukshëm për të vepruar, për ta bombarduar Beogradin dhe Banja Lukën në rast të ndonjë shenje të agresionit ushtarak serb”, përfundoi Gunther Fehlinger për “Bota sot”.
