Pas kthimit në atdhe, efektivja Ina Muka zhvilloi një takim me kryeministrin Edi Rama. Muka i tha kryeministrit Rama se brenda 6 muajsh do të fillojë ndjeshmëria e gishtërinjve.
Rama: Ne jemi shumë krenar për ty. Fola dhe me ministrin për një vendim qeverie për të dhënë një mbështetje financiare dhe morale që të kesh ndjesinë e plotë të solidaritetit dhe mundësinë që të rikuperohesh tërësisht dhe pastaj të integrohesh. Do të fillosh edhe punën me një detyrë më të lehtë si fillim.
Policja i shpjegoi kryeministrin edhe mënyrë se si janë implantuar gishtërinjtë.
Nga ana e tij, kreu i qeverisë, tha se është angazhuar direkt presidenti turk.
Rama: U kujdes Presidenti personalisht atje, Erdogan. Ata praktikisht ishin shumë të shqetësuar, pa ditur gjë thanë se nuk është problem. Pastaj, kur morën të gjitha të dhënat, ata u futën në panik dhe faktikisht ju ra optimizmi. Nga ana tjetër, patën edhe shtysën nga ne dhe nga Presidenti i vet dhe e morën atë risk me shumë sukses.
Ina Nuka mbeti e plagosur me fishekzjarr mesditën e 22 nëntorit gjatë një protesta para parlamentit nga banorët e Astirit në Tiranë, që kundërshtojnë projektin për shembjen e ndërtesave të tyre. Ndërkohë personi që hodhi kapsollën në drejtim të saj vijon të qëndrojë në qeli.
