Kryeministri Edi Rama i është shmangur seancës së sotme plenare në Parlament, një ditë pasi Zëri i Amerikës dhe Birn publikuan dokumenta nga dosja e Prokurorisë ku faktoheshin blerjet e votave nga Partia Socialiste në Durrës, Kavajë, Lezhë dhe Dibër.
Pavarësisht kërkesës së kryeopozitarit Lulzim Basha që Rama të ishte i pranishëm në seancë, kreu i qeverisë nuk u shfaq ndërkohë që në foltore doli ministrja e Financave, Anila Denaj.
Ky moment shkaktoi irritim te opozita dhe kryetari Lulzim Basha, i cili kërkoi largimin e Denajt nga foltorja. Deputetët e opozitës u mblodhën përpara foltores duke kërkuar ndërprerjen e seancës deri në mbërritjen e Ramës.
