Dhuna gjatë protestës së opozitës, 15 të arrestuar dhe 80 të shoqëruar - Bota Sot
Dhuna gjatë protestës së opozitës, 15 të arrestuar dhe 80 të shoqëruar

Shqipëria

Dhuna gjatë protestës së opozitës, 15 të arrestuar dhe 80 të shoqëruar

Më: 17 shkurt 2019 Në ora: 13:59
Pamje nga protesta

Dhuna gjatë protestës së opozitës, të zhvilluar një ditë më parë përpara Kryeministrisë, ka bërë që plot 80 persona të shoqërohen në polici, ndërsa të arrestuar janë 15 pjesëmarrës.

Me urdhër të kryeprokurores së Tiranës, Elisabeta Ymeraj, hetimet udhëhiqen nga prokurori Enklid Gjini. Të përfshirë në hetimet për dhunën në Kryeministri janë edhe 7 prokurorë të tjerë, si dhe 12 oficerë të Policisë Gjyqësore.

Burimet e Top Channel theksojnë se numri i të ndaluarve pritet të rritet, pasi për ngjarjet e djeshme do të ketë të ndaluar edhe në rrethe, pasi në identifikimin e shkelësve të ligjit janë përfshirë edhe Komisariatet e Qarqeve.

Ndërkohë, vetëm pak pas raportimit të gazetarit Muhamed Veliu, policia e kryeqytetit njoftoi për arrestimin e 15 personave të akuzuar për veprat penale të “kundërshtimit të punonjësit të Policisë së Rendit Publik”, “goditje për shkak të detyrës”, “shkatërrim të pronës” dhe “prishje të qetësisë publike”.

Ndalimi i tyre ka ardhur pas analizimit të pamjeve filmike, raporteve të shërbimeve policore dhe provave të mbledhura gjatë protestës së një dite më parë, ku pati akte të dukshme dhune.

Policia e Tiranës njoftoi gjithashtu 5 të proceduar në gjendje të lirë, ndërsa 7 persona i ka shpallur në kërkim dhe po punon për kapjen e tyre.

Të arrestuarit:

F.H., 44 vjeç, banues në Tiranë;
E.N., 28 vjeç, banues në Tiranë;
N.H., 51 vjeç, banues në Kavajë;
A.Gj., 54 vjeç, banues në Divjakë;
R.D., 23 vjeç, banues në Tiranë;
S.D., 41 vjeçe, banuese në Tiranë;
D.L., 33 vjeç, banues në Shkodër;
H.J., 76 vjeç, banues në Tiranë;
I.H., 49 vjeç, banues në Durrës;
F.T., 44 vjeç, banues në Tiranë;
S.R., 43 vjeç, banues në Cërrik;
M.F., 55 vjeç, banues në Elbasan;
L.J., 38 vjeç, banues në Tiranë;
P. Sh., 51 vjeç, banues në Shkodër;
V. D., 30 vjeç, banues në Fier.

Të proceduarit në gjendje të lirë:

G.D., 25 vjeç, banues në Tiranë;
A.T., 20 vjeç, banues në Tiranë;
R.B., 53 vjeç, banues në Prenjas;
D.Ll., 47 vjeç, banues në Tiranë;
P.Th., 52 vjeç, banues në Shkodër.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...