Policia e Fierit në bashkëpunim me Departamentin e Policisë Kriminale dhe Interpol Tirana kanë vënë në pranga një shtetas të shpallur në kërkim ndërkombëtar, për qëllime ekstradimi.
I arrestuari është shtetasi me iniciale K.Xhufi, 65 vjeç, banues në Fier.
Kapja e tij u bë pasi Gjykata e Breshias, Itali, e ka dënuar me 6 vjet burg për veprën penale “Pjesëmarrje në organizatë kriminale, me qëllim trafikimin ndërkombëtar të lëndëve narkotike”, parashikuar nga Kodi Penal Italian.