Ish-ministri i Drejtësisë, Ylli Manjani, thotë se pushteti legjislativ ndodhet në të njëjtën situatë si në vitin 1990.
I ftuar në emisionin "Tempora", Manjani tha se Kuvendi ka mbetur me një parti dhe praktikisht është një parlament monist.
Zgjidhjen ai e kërkon te Kushtetuta, teksa thotë se nuk do të mbështesë asnjë marrëveshje pazarësh mes palëve politike.
Ylli Manjani: E ka Kushtetuta. Nuk jam përkrahës i proceseve false politike në emër të dialgut për dialog apo që përfundojë në marrëveshje pazaresh.Nëse do të ketë do ta dënoj që tani dhe nuk kam për ta përkrahur asnjëherë. Ashtu siç nuk jam që situata të degradohet dhe të shkojë deri në përplasje civile.Të dyja janë ekstreme. Nëse do të sulmosh pafundësisht me polici, gazlotsjellës dhe njerëzit do të reagojnë, do të vijë një moment që do të mbushet kupa. Nuk jam përkrahës i dialogjeve pa dialog. Ne jemi praktikisht në vitin 1990 kur u lejua pluralizimi politik nga Ramiz Alia me një gjysmë neni në Kushtetutën e '75 që lejohej krijimi i organizatave politike.Zyrtarisht kishim një parlament të Partisë së Punës dhe filloi të krijojhej dhe pak demokraci, partia e parë që ishte PR, pastaj ajo republikane, agrare.Por kemi ndenjur një vit e ca me këtë ligj derisa u bë një dekret për partitë politike. Sot kemi të njëjtën situatë, një parlament me një parti të vetme.
Kuvendi me 102 deputetë?
Manjani: Deputetët janë emra, unë them partitë.Partitë që janë sot në parlament janë vetëm një, ky quhet parlament monist.Detyra kryesore e politikës është të kthejë një parlament pluralist. Tani jemi te '90, pluralizimi politik.Detyra është të kthejmë parlamentin, të gjitha të tjerat presin.
