Edhe protesta e sotme e opozitës ka gjetur pasqyrim në mediat e huaja. Euronews ka transmetuar live protestën nga Tirana, ndërsa shkruan se këto janë protestat e opozitës kundër qeverisë.
"Opozita shqiptare po bën thirrje për dorëheqjen e Ramës, organizimin e zgjedhjeve të përgjithshme dhe të një qeverie tranzitore", shkruan Euronews.
"Tension para godinës së qeverisë" është kryeartikulli i Zërit të Amerikës.
"Opozita kërkon krijimin e një qeverie kalimtare e cila të përgatisë vendin për zgjedhje të parakohshme, gjë e cila sipas kryetarit demokrat Lulzim Basha “është një kusht I patjetërsueshëm”, shkruan ndër të tjera Zëri i Amerikës.
Edhe DW ka pasqyruar protestën e opozitës, e cila shkruan se Nën thirrjet „E duam Shqipërinë si gjithë Europa“ dhe „Rama ik“, protestuesit kërkojnë largimin e kryeministrit Rama.
