Përgjimet e Bild/ Meta flet hapur: Ja çfarë më thanë gjermanët - Bota Sot
Përgjimet e Bild/ Meta flet hapur: Ja çfarë më thanë gjermanët

Shqipëria

Përgjimet e Bild/ Meta flet hapur: Ja çfarë më thanë gjermanët

Më: 7 qershor 2019 Në ora: 21:59
Ilir Meta

Presidentit Ilir Meta ka dhënë ditën e sotme një intervistë për ‘Deutsche Welle’ në të cilën referuar krizës politike në Shqipëri.

Meta shprehet se situata në të cilën gjendemi tani nuk është në favor për procesin e integrimit.

Ai i bënë thirrje urgjente mazhorancës dhe opozitës të reflektojnë me njëra-tjetrën për gjetjen e një zgjidhje, ndërsa shprehet se Bundestagu ka vullnetin e qartë dhe mund të ndihmojë në kapërcimin e krizës në Shqipëri.

I pyetur nëse ndonjë prej parlamentarëve të Bundestagut i ka përmendur atij çështjen e përgjimeve të publikuara nga Bild, Meta është shprehur se një gjë e tillë nuk ka ndodhur.

Por sipas tij, është diskutuar për rëndësinë e jashtëzakonshme që kanë standardet demokratike të zgjedhjeve në Shqipëri, dhe ndëshkimi i gjithë? personave përgjegjës apo të dyshuar për cenimin e integritetit të zgjedhjeve në të kaluarën.

Deutsche Welle: Dy ditë para se të vinit ju në Berlin, gazeta bulevardeske më e madhe në Gjermani, ‘Bild’, botoi protokollet e përgjimit nga prokuroria, që kanë shkaktuar edhe një breshëri reagimesh në median shqiptare dhe politikën shqiptare, gjithashtu. Fjalëkyçi i të gjithë këtyre artikujve është korrupsioni, për të cilin edhe opozita akuzon dhe lufton në protestat e saj. A ishte edhe kjo një temë në bisedat që keni pasur në Berlin?

Ilir Meta: Kjo nuk ka qenë aspak një temë në bisedat e mia, për sa i takon çfarë është pasqyruar në media të caktuara në Gjermani. Por natyrisht ka qenë temë angazhimi i vendosur për të përmbushur të gjitha pritmëritë në fushën e sundimit të ligjit, dhe së dyti rëndësia e jashtëzakonshme që kanë standardet demokratike të zgjedhjeve në Shqipëri, dhe kuptohet edhe ndëshkimi i gjithë personave përgjegjës apo të dyshuar për cënimin e integritetit të zgjedhjeve në të kaluarën. Këto kanë qenë mesazhe edhe të mëparshme të dhëna në mënyrë të vazhdueshme nga përfaqësues të grupeve të caktuara në Bundestag.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...