KPA rrëzon kërkesën e Lubonjës, gjyqtari i Korçës shkarkohet nga vetting-u - Bota Sot
KPA rrëzon kërkesën e Lubonjës, gjyqtari i Korçës shkarkohet nga vetting-u

Shqipëria

KPA rrëzon kërkesën e Lubonjës, gjyqtari i Korçës shkarkohet nga vetting-u

Më: 9 tetor 2019 Në ora: 10:53
Sotiraq Lubonja

Kolegji i Posaçëm i Apelimit (KPA) ka lënë në fuqi vendimin e Komisionit të Pavarur të Kualifikimit (KPK) për shkarkimin nga detyra të Sotiraq Lubonjës, gjykatës në Gjykatën e Apelit në Korçë.

Vendimi është marrë nga trupi gjykues në KPA i përbërë nga Ina Rama kryesuese, Luan Daci relator, Albana Shtylla, Ardian Hajdari, Sokol Çomo, anëtarë, dhe është bërë publik sot.

Në seancën e zhvilluar në KPK, Lubonja nuk justifikoi dot llogarinë bankare prej 5 mijë dollarësh të djemve, dhuratën prej 4 milionë lekë të së ëmës dhe dhuratën nga vjehrri prej 25 mijë dollarësh. Por, edhe pse gjyqtari këmbënguli se ishte e ëma ekonomistja e shtëpisë dhe se vjehrri me vjehrrën kishin standard të lartë ekonomik pasi jetojnë në Amerikë, ky qëndrim nuk u konsiderua. KPK-ja gjeti të dyshimta edhe udhëtimet e shpeshta në Amerikë të gjyqtarit, udhëtime të cilat, siç duket, e kanë ndihmuar sidoqoftë për anglishten.

Por, Sotiraq Lubonja ishte gjithashtu edhe anëtar zëvendësues në Këshillin e Emërimeve të Drejtësisë, që përfundimisht ka dalë jashtë loje.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...