Një polic i RENEA-së është lënduar derisa ishte duke ndihmuar në operacionin e kërkim-shpëtimit.
Tvklan.al ka filmuar momentet e plagosjes së një prej efektivëve të RENEA-s, teksa ishte duke ndihmuar në operacionin e kërkim-shpëtimit të të mbijetuarve në Thumanë.
Ka qenë ora 07:08 kur tërmeti i radhës me magnitudë 5.4 goditi sërish vendin. Rrënojat e pallatit të shkatërruar ku efektivi po ndihmonte në kërkime, u rrëzuan duke plagosur lehtë policin e RENEA-s. Për fat të mirë, ai shpëtoi me lëndime të vogla.
Në Thumanë janë rrëzuar dy pallate nga tërmeti i fortë 6.3 ballë i orës 03:54.
