Pas letrës së 73 eurodeputetë të grupeve më të mëdha politike në Parlamentin Evropian, të cilët i janë drejtuar Këshillit Evropian për përcaktimjn e një date, sa i takon fillimit të bisedimeve për anëtarësim me Shqipërinë dhe Maqedoninë e Veriut, ka reaguar kreu i Partisë Demokratike, Lulzim Basha.
“Në këto ditë të vështira për Shqipërinë & mbarë botën,nevoja për shpresë është edhe më e madhe. Mirënjohje@EPPGroup për mbështetjen. Në emër të PD dhe Opozitës së Bashkuar rikonfirmoj kërkesën tonë ndaj Këshillit Europian të miratojë në parim hapjen e negociatave për Shqipërinë”, shkruan Basha duke publikuar statusin e Partisë Popullore Evropian, që rikonfirmon mbështetjen e saj ndaj Shqipërisë e Maqedonisë.
